Sidersmaking med Odelsgut

Haug Gard har vore i familien sidan tidleg 1500‑tal, og i dag driv Alexander Odelsgut gården saman med far Rune, kona Sasiwan. Alexander har valt å ta eit steg tilbake for ei periode og har gitt tilliten vidare til Stian Kristiansen, som no blir forpaktar og ny «odelsgut» i drifta av sideriet. Stian, utdanna pommelier med stor lidenskap for sider, vil i sommar ha hovudfokus på sidersmakingar og formidling av siderkulturen i Sogn, med særleg vekt på Odelsgut Sideri.

Han går inn i rolla med entusiasme, audmjukheit og eit sterkt engasjement for å få Odelsgut Sideri til å lukkast – både som produsent og formidlar av ekte norsk sider.